«Қазақстан» шипажайында бауырдың метаболикалық зақымдануымен пациенттерді емдеудің жаңа әдісі енгізілді

Ессентуки қаласы – ең ірі бальнеологиялық курорт. 200 жылдан астам уақыт бойы Ресейдің барлық аймақтарынан және шетелдерден адамдар келуде. «Қазақстан» шипажайында табиғи факторларға негізделген – Ессентуки-4 минералды сулары  (орташа минералданған көмірқышқыл хлориді-гидрокарбонатты натрий минералды суы) және «Ессентуки – Новая» (әлсіз минералданған көмірқышқыл хлориді-гидрокарбонат-сульфат-натрий-кальций суы) емдеу мүмкіндіктері мен әдістері бар. «Қазақстан» шипажайының емдеу-оңалту бөлімшесінде бауырдың метаболикалық зақымдануы бар пациенттерді әртүрлі химиялық құрамдағы минералды суларды және минералдануды қолдана отырып оңалтудың жаңа әдісі енгізілді. Бұл әдіс дәрілік емес және мыналарды қамтиды:

• минералды («Ессентуки-4» немесе «Ессентуки-Новая») суымен емделу;
• № 10 көмірқышқыл-күкіртсутекті ванналар;
• №5 диеталық тамақтану;
• емдік дене шынықтыру.

Емдеу курсы курорттық режимді қамтиды және 14 күнді құрайды. Емдеудің кешенді тәсілі бауырдың метаболикалық зақымдануы бар науқастардың жағдайын едәуір жақсартуға көмектеседі.